Cuban Doctors Human Rights: NJË TRIUMF I AVOKATISË DIGJITALE
Cuban Doctors Human Rights, një lëvizje që nxjerr në pah padrejtësitë me të cilat përballen mjekët, bashkëpunoi me ne për të amplifikuar mesazhin e saj globalisht.
Strategjia jonë gjithëpërfshirëse digjitale, e cila përfshinte një faqe interneti, përmbajtje të personalizuar dhe fushata ndërgjegjësimi, çoi në miliona ndërveprime me fushatën.
Kjo iniciativë me ndikim luajti një rol kyç në ndryshimin e diskursit global dhe kontribuoi që Kubës të mos i akordohej Çmimi Nobel për Paqe.
Klienti:
Cuban Doctors Human Rights
Industria:
Shëndetësi
Shërbimi:
Menaxhimi i Rrjeteve Sociale
Kohëzgjatja:
2022-2023
Cuban Doctors Human Rights është një lëvizje e organizuar nga individë të guximshëm, të cilët u detyruan të largohen nga Kuba për shkak të kushteve çnjerëzore të punës. Organizata synon të hedhë dritë mbi padrejtësitë me të cilat përballen mjekët kubanë në Henry Reeve Brigade (Medical Missions) dhe të mbrojë të drejtat e tyre të njeriut.
Qëllimi kryesor i projektit ishte përdorimi i rrjeteve sociale dhe menaxhimit të përmbajtjes për të amplifikuar mesazhin e tyre, për të fituar dukshmëri ndërkombëtare dhe për të siguruar mbështetje nga individë dhe organizata me ndikim.
Ky projekt përballej me disa sfida kryesore, duke përfshirë mungesën e një ekipi të dedikuar për rrjetet sociale, mesazhe të paqëndrueshme, shkallë të ulët angazhimi dhe shtrirje të kufizuar nëpër kanale të ndryshme.
Një çështje edhe më e madhe për CDHR ishte fakti që në vitin 2021, Kuba u nominua si një nga kandidatët kryesorë për Çmimin Nobel për Paqe për misionin “Henry Reeve Brigade”.
Qëllimi kryesor ishte rritja e ndërgjegjësimit në komunitetin ndërkombëtar, veçanërisht ndikimi mbi vendimmarrësit e Komitetit të Çmimit Nobel për Paqe, për të nxjerrë në pah shkeljet e të drejtave të njeriut nga qeveria kubane përmes këtyre misioneve mjekësore.
Në fund, fushata jonë ndikoi ndjeshëm në diskursin publik, dhe Kuba nuk u shpall fituese e Çmimit Nobel për Paqe.
Për ta bërë këtë çështje të depërtonte më gjerë, ne e dinim që duhej të përdornim të gjitha mjetet e marketingut digjital në dispozicion. Dhe ia dolëm.
Fillimisht, krijuam një faqe interneti që përmblidhte në mënyrë të plotë natyrën komerciale dhe shtypëse të këtyre misioneve mjekësore, si dhe shkeljet e të drejtave të njeriut që mijëra mjekë kubanë kishin përjetuar.
Zbatuam një strategji të shumëanshme, e cila përfshinte:
1.Krijimin e përmbajtjes së personalizuar me elemente vizuale.
2.Angazhimin e influencerëve dhe mbështetësve në rrjet.
3.Optimizimin e SEO, prodhimin e videove dhe newsletter me histori të mjekëve kubanë nga e gjithë bota.
4.Automatizimin e mesazheve dhe krijimin e fushatave në Twitter dhe Facebook.
Bashkëpunuam me dhjetëra faqe lajmesh dhe organizata për të drejtat e njeriut, duke shpërndarë përmbajtje mbi këtë temë dhe rritur ndërgjegjësimin përmes videove të mbështetësve dhe mjekëve që u shpërndanë në mbarë internetin.
• Marketing i përmbajtjes
• Zhvillim faqeje interneti
• Krijimi i përmbajtjes për rrjetet sociale
• Prodhim videosh
• Reklama digjitale (rrjete sociale, Google, ueb, geotargeting)
• Email marketing & outreach
Miliona njerëz ndërvepruan me fushatën tonë digjitale për ndërgjegjësim, si drejtpërdrejt ashtu edhe tërthorazi. Ne u siguruam që çdo komponent kryesor në komunitetin e të drejtave të njeriut, veçanërisht organizatat dhe vendimmarrësit në SHBA dhe Evropë të informoheshin për fushatën Cuban Doctors Human Rights.
Fushata jonë arriti të ndikojë ndjeshëm në diskursin global, duke tejkaluar pritshmëritë dhe duke krijuar një jehonë të gjerë.
Si rezultat, Kubës nuk iu akordua Çmimi Nobel për Paqe.
